Inside the Card

之前有朋友問桃子, 卡入面多數會整D咩。

大家見我既卡都係簡單居多(因為冇太多時間+空間), 所以入面都係好簡單印個文字章就算, 留多D空間寫字。

今年我就買左

Class Act Cling Mounted Rubber Stamp 2.75"X3.75" Christmas Is

呢D文字章當然唔夠可愛既公仔吸引, 所以有好多大家就忽略左佢, 但其實佢地好有用, 既可以做卡入面, 又可以使卡既出面, 卡面只有圖案未免單調, 加D文字點綴下就有畫龍點睛既效果。

用Brilliance 印台印效果唔錯~~

記得桃子最初做卡既時候都好少買文字印章, 做卡既時候先發覺問題, 冇公仔stamp我地都可以用sticker, die cut, pattern paper補救, 但冇文字章就麻煩, 加上我手字唔係真係太靚, 而且亦唔可以下下洋洋灑灑寫D好靚既文章。自始以後, 我就好喜歡買文字章, 家中既文字章比公仔印章更多。

呢個係早兩年用係聖誕卡入面既文字章

如果大家真係搵唔到啱用既文字章加上時間趕急訂唔切, 仲有一個方法提供俾大家~~~

就係上網搵一D文字, 用printer印出黎 ^^ 唔夠時間既話呢個都不失為一個權宜之計, 不過桃子都係喜歡自己逐個印上印章。

聖誕卡我會用印章去解決卡入面文字, 但其他卡又點呢? 冇可能每個卡種都訂一個章番黎, 而且未必每一段文字都適合所有收卡人。桃子會用一D教人寫卡入面既工具書幫手~~

呢類書一本有好多唔同chapter教你係唔同場合點寫, 如果係覺得自己寫得唔靚, 用電腦printer都得~~~

一本有1000段文字, 有一兩本傍身已經好夠用, 亦唔使煩惱卡入面點寫~~~

如果大家有咩idea歡迎同桃子分享 

歡迎大家參觀桃子個craft page
https://www.facebook.com/pages/Totolyhandmade-craft-store/284056544940471?ref=hl

仲有個Online store
http://totolyhandmade178.shoplineapp.com/