Nuvo Crystal Drop

今次想同大家介紹下呢個由Tonic Studio出既新產品-----Nuvo Crystal Drop~~

桃子對佢簡直係一見鍾情, 試用過之後更加不得了~~完全覺得買齊32色係非常正確既決定!

咁講大家可能覺得跨張左, 大家睇完個試用報告之後就知點解。

點解會一見鍾情, 因為佢既外形真係好靚~~原諒我既膚淺, 但佢成樽指甲油既外觀再配上樽蓋大大粒石, 真係好殺食~

Nuvo Glitter Drops 1.1oz Purple Rain

呢款產品有D似Ranger Liquid Pearl, 可以唧成一粒粒好似膠粒既裝飾。但Liquid Pearl出黎既效果似乎冇想像中咁好, 唔太容易做到好圓潤既效果。未試用之前都有擔心過, 呢款會唔會都係一樣呢? 試用之後憂慮全消~~大家睇下D相就知。

不論從上面或側面睇都見到一粒粒好圓潤飽滿既珍珠~~~

初初都有擔心如果技巧未到家會唔會每粒珍珠上面都有"尾巴"? 原來唔需要擔心呢樣野既~~

佢會自動變圓架~~~真係大愛

排晒出黎幾colorful, 全部色買晒就可以配合唔同色系既作品使用。

桃子真係忍唔住每張都加幾粒~~

有Pros當然都有Cons, 就係佢地唔算快乾, 表面乾成形大約要30-45mins, 視乎濕度, 但要完全乾透真係要一整日~

另外運送途中有滲漏既機會。

雖然佢黎貨都已經好小心咁每枝獨立包裝, 但其中有兩枝都有相片入面既滲漏情況出現, 所以大家貯存既時間都要小心, 記得頭向上。

桃子暫時收到28色只係有2枝有漏都尚可接受~~

最後提提大家, 唔一定要買晒全部色, 因為佢冇出set全部單枝買, 所以買幾多, 大家應該考慮自己承擔能力先好~~~