半日鑽石公主號參觀

反正都寫開, 趁仲記得就寫埋呢個郵輪參觀~~

好多人都問我點解有得參觀, 我唔係咩名人, 唔會有人特別邀請我去參觀, 我都係咁啱同旅行社book星夢郵輪3D2N之旅, 咁啱鑽石公主號途經香港, 有D位俾旅行社邀請對郵輪有興趣既客上船參觀, 所以我就同老爺去睇下, 熱下身~~~

當日旅行社安排左車係鑽石山站接送我地, 呢個安排唔錯, 因為郵輪碼頭既交通配套的確乏善可陳。

講番鑽石公主號, 呢艘船冇雲頂夢號咁大, 但都有11萬噸, 主要走比較成熟路線, 所以戶外活動方面冇雲頂夢號、皇家加勒比既船咁多元化。之前睇郵輪都有考慮公主郵輪, 因為我係為食鬼, 公主郵輪食物質素好係賣點, 所以雖然冇乜大型康體設施, 都想試一試。加上台灣基隆出發去日本既航程的確幾吸引, 所以都有考慮過, 可惜最後因為夾唔到時間而放棄, 希望下一次可以再join。

當日既訪客証

大家可以見到裝潢都比較成熟典雅

中庭既觀光電梯

參觀之餘當然順便sell下航程 

完左簡介會仲有下午茶食, 可以一試公主郵輪既食物質素

第一站係翩新後引入既日式溫泉浴, 因為有人客享用中, 所以無緣入內參觀

 

之後就跟住公主員工帶我地好快咁行個圈

最後係賭場完結

雖然船隻剛翻新, 當然唔可以同一艘全新既船比較, 但都OK既。可惜未能安排參觀客房, 否則可以更全面了解。

在簡介會見到2017四月公主有新郵輪落水, 首航地中海, 呢個我之前都有睇過, 可惜得5日, 所以冇book。見到5月23日有基隆去日本, 可惜已經book左四月地中海愛彼號, 所以唯有放棄, 如果大家有興趣可以考慮呢個航程。

Last but not least

不得不讚幫我book 郵輪既agent, 好有交帶, send左email俾我再打電話confirm, 亦好有禮貌。我好少經旅行社book利程, 4月地中海我都係自己上網book(C9鍾意格價係咁, 遲下再寫篇網上Book郵輪分享), 如果大家都經旅行社book, 不妨搵呢位agent。